Maxfiylik siyosati

1. Umumiy ma'lumot

Bu siyosat MCModHub sayti (mcmodhub.uz) va MCModHub Launcher ilovasiga tegishli. Xizmatdan foydalanib, siz shu siyosat bilan tanishganingizni tasdiqlaysiz. Shartlarimiz bilan ham tanishib chiqing: Foydalanish shartlari.

2. Qanday ma'lumotlarni yig'amiz

• Akkaunt ma'lumotlari: email manzil, foydalanuvchi nomi va profil rasmi. Parolingiz autentifikatsiya xizmatiga uzatiladi va faqat qaytarib bo'lmaydigan (xeshlangan) ko'rinishda saqlanadi, biz uni ko'rmaymiz.
• Google yoki Discord orqali kirganda: shu xizmat bergan email manzil, ism (yoki foydalanuvchi nomi), profil rasmi va identifikator.
• Profil va o'yin ma'lumotlari: Minecraft nomi, tanlangan va yuklangan skinlar, ilova ichidagi HBC balansi, obuna va ruxsat holati.
• Siz joylagan kontent: chat xabarlari, profil tavsifi, izohlar va boshqa matnlar.
• Faollik ma'lumotlari: oxirgi marta onlayn bo'lgan vaqt, launcherdagi onlayn holat va guruh (lobby) ma'lumotlari, tanlangan hamroh (companion), video ko'rish davomi.
• Murojaat va to'lov arizalari: Telegram yoki sayt orqali ariza qoldirsangiz, o'zingiz ko'rsatgan aloqa ma'lumotlari (masalan, Telegram nomi).

3. Ma'lumotlardan qanday foydalanamiz

• Akkauntga kirishni ta'minlash va xizmat funksiyalarini ishlatish: profil, skinlar, chat, do'stlar va guruh o'yini, xaridlar.
• Xavfsizlik, firibgarlik va suiiste'molga qarshi kurash, chat moderatsiyasi.
• Sizga qo'llab-quvvatlash ko'rsatish va xizmatni yaxshilash.

Ma'lumotlaringizni reklama maqsadida ishlatmaymiz va uchinchi shaxslarga sotmaymiz.

4. Google bilan kirish

Google orqali kirganda faqat email manzil, ism va profil rasmi kabi asosiy ma'lumotlar olinadi va ular faqat akkauntingizni yaratish va unga kirish uchun ishlatiladi. Gmail, Drive va boshqa Google ma'lumotlaringizga kirmaymiz.

MCModHub's use and transfer to any other app of information received from Google APIs will adhere to the Google API Services User Data Policy, including the Limited Use requirements.

5. Ma'lumotlar kimga ko'rinadi va kim bilan bo'lishiladi

• Boshqa foydalanuvchilarga ko'rinadi: foydalanuvchi nomi, profil rasmi, skin, chat xabarlari va onlayn holat (do'stlar va guruh a'zolariga).
• Xizmat ko'rsatuvchi hamkorlar: Supabase (ma'lumotlar bazasi va autentifikatsiya), Vercel (sayt hosting), Bunny.net (fayl va media yetkazish), kirish provayderlari (Google, Discord).
• Qonun talab qilgan hollarda vakolatli organlarga.

6. Saqlash va o'chirish

Ma'lumotlaringiz akkauntingiz mavjud bo'lguncha saqlanadi. Ma'lumotlaringizni ko'rish, tuzatish yoki akkauntingizni va unga bog'liq ma'lumotlarni o'chirishni Telegram orqali so'rashingiz mumkin: @mcmodhubuz.

7. Xavfsizlik

Ma'lumotlar HTTPS orqali uzatiladi, kirish tokenlari qurilmangizda saqlanadi. Hech bir usul mutlaq xavfsizlikni kafolatlamaydi, lekin ma'lumotlaringizni himoya qilish uchun o'rinli choralarni ko'ramiz.

8. Yosh foydalanuvchilar

Xizmat Minecraft hamjamiyatiga qaratilgan va uni yosh o'yinchilar ham ishlatadi. Kichik yoshdagi foydalanuvchilarga ota-onasi yoki vasiysi bilan maslahatlashib foydalanish tavsiya etiladi. Bola ma'lumotlarini o'chirishni ota-ona yoki vasiy Telegram orqali so'rashi mumkin.

9. O'zgarishlar va aloqa

Siyosat o'zgarsa, shu sahifadagi "Oxirgi yangilanish" sanasini yangilaymiz. Savollar uchun Telegram: @mcmodhubuz.